Árið í fjør royndist misjavnt hjá føroysku bløðunum. Eins og í 2005 og 2006, so liggur Sosialurin klárt fremstur við besta úrslitinum.
Dimmalætting hevur ligið í tungum sjógvi seinastu árini – og árið í fjør tykist ikki at hava rættað skútuna.
Vinnuvitan greinaði í síðstu viku roknskapirnar hjá bløðunum, og kom fram, at Vinnuvitan liggur aftast við einum negativum úrsliti upp á 1,7 illiónir krónur. Eginpeningurin hjá Vinnuvitan er eisini negativur við eini slakari millión.
Dimmalætting eigur nú bæði Vinnuvitan og Vikublaðið, men tann handilin gjørdur í ár og verður tí ikki at síggja í roknskapinum fyrr enn næsta ár.
Virksemið hjá Sosialinum hevur ligið í tveimum feløgum, Sp/F Sosialinum og Sp/F Húsinum. Hesir roknskapir mugu tí leggjast saman fyri at kunna samanbera við hini bløðini. Feløgini eru nú løgd saman í eitt felag, tískil verður ein roknskapur frá Sosialinum næstu ferð.
Sambært sjónvarpinum hjá Kringvarpinum hevur Dimmalætting-samtakið sagt út við 20 fólkum úr leysum og føstum størvum seinastu vikurnar. Við sjónvarpið sigur Árni Gregersen, stjóri á Dimmalætting, at sølan seinasta summar miseydnaðist, og at fíggjarkreppan á heimsmarknaðinum eisini hevur ávirkað Dimmalætting.
Umframt Sosialin, so hava Oyggjatíðindi eitt positivt úrslit upp á 244.000 krónur og Vikublaðið upp á 51.000 krónur
Sosialurin
Bruttovinningur: 16 mió. kr.
Starvsfólkakostnaður: 13 mió. kr.
Eginpeningur: 8,3 mió. kr.
Úrslit áðrenn skatt: 4,1 mió. kr.
Dimmalætting
Bruttovinningur: 10,3 mió. kr.
Starvsfólkakostnaður: 13,5 mió. kr.
Eginpeningur: 28,2 mió. kr.
Úrslit áðrenn skatt: -559.000 kr
Norðlýsið (ikki upplýst enn)
Bruttovinningur: 780.000 kr. (í 2006)
Starvsfólkakostnaður: 599.000 kr. (í 2006)
Eginpeningur: 401.000 kr. (í 2006)
Úrslit áðrenn skatt: 20.000 kr. (í 2006)
Oyggjatíðindi
Bruttovinningur: 685.000 kr.
Starvsfólkakostnaður: 140.000 kr.
Eginpeningur: 400.000 kr.
Úrslit áðrenn skatt: 244.000 kr
Vinnuvitan
Bruttovinningur: 5,4 mió. kr.
Starvsfólkakostnaður: 6 mió. kr.
Eginpeningur: -865.000 kr.
Úrslit áðrenn skatt: - 1,7 mió. kr.
Vikublaðið
Bruttovinningur: 5,3 mió. kr.
Starvsfólkakostnaður: 5 mió. kr.
Eginpeningur: 1 mió. kr.
Úrslit áðrenn skatt: 51.000 kr.
