Seks partrolarapør eru til fiskiskap. Fiskiskapurin er misjavnur, men skipini gera onkur góð hál, verður sagt.
Á Fiskamarknaði Føroya vita tey at siga, at ein djúpvatnstrolari er til fiskiskap, og ein annar liggur við bryggju.
Seinastu dagarnar hava fimm trolbátar verið til fiskiskap. Væntandi landa fýra teirra í dag og hin fimti seinni í vikuni.
- Trolbátarnir fáa mest av toski, hýsu og so nakað av flatfiski.
Tvey garnaskip fiska svartkalva, og bæði skipini hava brúkiligan fiskiskap.
- Tvey garnaskip fiska eisini havtasku. Annað hevur brúkiligan fiskiskap, og hitt dregur fyrstu ferð í vikuni.
Á Fiskamarknaði Føroya vænta tey, at øll garnaskipini koma inn at landa hesa vikuna.