Meðan ukrainskur ráðgevi heldur, at kríggið í Ukraina endar í síðsta lagi í mai, so eru boð um stórar spreingingar í ukrainska høvuðsstaðnum.
Her er eitt yvirlit yvir hendingar í nátt í ukraina-krígnum:
* Ukrainskur ráðgevi heldur, at kríggið kann enda síðst í mai.
Kríggi í Ukraina fer eftir øllum at døma at enda síðst í mai, tá Russland ikki hevur meira útgerð at leypa á grannalandið. Tað sigur Oleksij Arestovitsj, sum er ráðgevi fyri ukransku forsetaskrivstovuna.
* Fleir frásagnir sum stórar spreingingar í Kyiv.
Fleiri keldur siga frá, at tað hava verið fleiri spreingingar í ukrainska høvuðsstaðnum, Kyiv, tíðliga í morgun.
Ein av keldunum er TV2 tíðindamaðurin Rasmus Tantholt, sum skrivar á Twitter, at hann er vaknaður eftir fleiri harðar spreingingar.
* Ukraina sigur seg hava forðað álopi á Mariupol.
Ukrainska verjan sigur í nátt, at hon hevur steðgað russiskari roynd at taka ræðið á havnarbýnum Mariupol aftur.
Í eini fráboðan frá ukrainska heryvirmannastabinum verður sagt, at russiskar deildir hava tikið seg aftur eftir at hava liðið stór tap.
* Fleiri ukrainar eru fastir á markinum millum Mexico og USA.
Eini 10-20 ukrainskir, russiskir og hvítarussiskir flóttar sita fastir á markinum millum Mexico og USA, meðan teir bíða eftir friðskjóli.
* Biden skal eftir øllum at døma hita NATO leiðarar í Brússel í næstu viku.
Amerikanski forsetin, Joe Biden, fer til Brúsell í næstu viku fyri at hitta Nato-leiðarar fyri at tosa um russisku innrásina í Ukraina. Tað upplýsa keldur, sum vita um málið.
Fundurin verður enn lagdur til rættis, men sambært keldunum fer fundurin eftir øllum at døma at vera 23. mars.
* Samráðingarnar við Russland halda fram í dag.
Samráðingarfólk úr Ukraina og Russlandi hittust í gjár á videofundi fyri at royna at finna enda á krígnum millum londini.
Fundurin førdi tó ikki til nakað av tí stóra, og tí vóru tey samd um at halda fram við samráðingunum í dag. Tað váttar ukrainski forsetin, Volodymyr Zelenskyj.
Keldur: AFP, AP, Reuters og The Guardian.
/ritzau/
