Danska veðurstovan DMI roknar við heystveðri næstu dagarnar. Tað verður nakað av vindi og vátt fleiri av døgunum. Onkrar góðar løtur verða eisini.
DMI sigur, at mánadagin verða 8-13 m/s av suðri og útsynningi – onkrastaðni upp í 15 m/s. Skýggjað og fyri tað mesta regn – út á dagin ælaveður. Hitin millum 6 og 9 stig.
Týsdagin verða 10-15 m/s av suðri og útsynningi, minkandi niður í 3-8 m/s, um náttina av vestri og útnyðringi. Skiftandi skýloft og ælaveður. Hitin millum 6 og 9 stig.
Mikudagin verða 3-8 m/s, vaksandi upp í 10-15 m/s av útnyðringi. Skýggjað og regn ella ælaveður. Hitin millum 3 og 7 stig. Hósnáttina turt og klárt, og vindurin minkar niður í 3-8 m/s, sum frálíður av útsynningi. Hitin millum frostmarkið og 5 hitastig.
Hósdagin vera 3-8 m/s av útsynningi, men út á dagin 8-13 m/s av suðri og útsynningi. Fyri tað mesta skýggjað, men møguleiki verður fyri sólglottum. Hitin millum 5 og 8 stig.
Fríggjadagin 5-10 m/s av útsynningi og suðri. Skýggjað og nakað av regni. Hitin millum 5 og 9 stig.
