2. september varð boðað frá, at Skeljungur hevði avgjørt at geva Sp/f Orkufelagnum einkarætt til at samráðast um keyp av partabrøvunum í dótturfelagnum P/F Magn. Hetta var grundað á eitt keypstilboð frá Sp/f Orkufelagnum.
Sp/f Orkufelagið hevur nú boðað frá, at fyrivarni í samband við fígging og due diligence eru strikað, tí viðurskiftini eru í lagi. Søluprísurin fyri P/F Magn, er óbroyttur í mun til tað, sum áður er fráboðað. Tvs. at prísurin er DKK 615 milliónir, áðrenn fíggjarligar skyldur. Skeljungur hevur gjørt av at vera við í fíggingini av Sp/f Orkufelagnum við at skjóta upp til 23 prosent av sølupeninginum fyri P/F Magn í Sp/f Orkufelagið. Harvið kemur Skeljungur at eiga upp til 49 prosent av Sp/f Orkufelagnum.
Sølan verður eftir ætlan endalig, seinni í november.
Sp/f Orkufelagið er føroyskt felag við royndum innan orku- og tænastuvinnu.
Teitur Poulsen er nevndarformaður í Sp/f Orkufelagnum.
