Í gjár bilvu fýra dystir í 29. umfari í Premier League spældir. Manchester City staðfesti sína støðu sum komandi meistaralið við 3-0 sigri á Fulham. Sermerkt við dystinum var, at Sergio Aguero skoraði aftur eftir turk í 417 dagar í Premier League. Hann hevur verið nógv skaddur.
Fulham stóð annas ímóti í fyrra hálvleiki, men í seinna hálvleiki kom hol. Fyrst John Stones, síðani Gabriel Jesus og til seinast Segio Aguero upp á brotsspark. Manchester City er í skrivandi løtu 17 stig fremst, men hevur spælt tveir dystir fleiri enn grannararnir úr United, sum spæla í dag.
Leeds United og Chelsea spældu málleysan javnleik, Crystal Palace vann 1-0 á West Bromwich og Burnley vann aftur í Liverpool. Hesa ferð móti Everton, ið saman við Chelsea misti stig í stríðnum um at røkka Champions League.
Fýra dystir eru í dag. Stóri dysturin er í London, har tað er grannauppgerð. Arsenal tekur móti Tottenham. Í kvøld fær Manchester United vitjan av West Ham, ið hevur leitað sær upp á fimta plássið.
| 1 | Man City | 30 | 22 | 5 | 3 | 64:21 | 71 |
| 2 | Man Utd | 28 | 15 | 9 | 4 | 55:32 | 54 |
| 3 | Leicester | 28 | 16 | 5 | 7 | 48:32 | 53 |
| 4 | Chelsea | 29 | 14 | 9 | 6 | 44:25 | 51 |
| 5 | West Ham | 27 | 14 | 6 | 7 | 42:31 | 48 |
| 6 | Everton | 28 | 14 | 4 | 10 | 40:37 | 46 |
| 7 | Tottenham | 27 | 13 | 6 | 8 | 46:28 | 45 |
| 8 | Liverpool | 28 | 12 | 7 | 9 | 47:36 | 43 |
| 9 | Aston Villa | 27 | 12 | 5 | 10 | 39:28 | 41 |
| 10 | Arsenal | 27 | 11 | 5 | 11 | 35:28 | 38 |
| 11 | Crystal Palace | 29 | 10 | 7 | 12 | 31:47 | 37 |
| 12 | Leeds | 28 | 11 | 3 | 14 | 43:46 | 36 |
| 13 | Wolves | 28 | 9 | 8 | 11 | 28:37 | 35 |
| 14 | Southampton | 28 | 9 | 6 | 13 | 35:49 | 33 |
| 15 | Burnley | 29 | 8 | 9 | 12 | 22:37 | 33 |
| 16 | Newcastle | 28 | 7 | 7 | 14 | 28:45 | 28 |
| 17 | Brighton | 27 | 5 | 11 | 11 | 27:35 | 26 |
| 18 | Fulham | 29 | 5 | 11 | 13 | 22:36 | 26 |
| 19 | WBA | 29 | 3 | 9 | 17 | 20:57 | 18 |
| 20 | Sheffield Utd | 28 | 4 | 2 | 22 | 16:45 | 14 |
