Flest øll í samfelagum eru vitandi um at búskaparvøksturin er steðgaður. Men ætla teir sum nú stýra skútuni aftur at stýra beint inn í illveður, eins og gjørt bleiv fyrst í 90-unum og at koyra hetta samfelagið í kreppu aftur. Tá ávísir bankar máttu snara lykilin um, sjálvt um tað ikki var neyðugt, og aðrir blivi tømdir av ríkmonnum, soleiðis at allir teir føroysku skattaborgararnir máttu svíða. Hetta sær ikki mætari út, sum at tað sama fer at endurtaka seg, nú ávaringarljósini langt um leingi eru farin at blunka, og politikararnir eru í villareiði, við tað at teir seta gjøld á ávísar vørur, tað er tað sama sum skattur.
Vælsignaðir, hví lærdu tit ikki av kreppuni, longu nú er tann almenni sektorurin bølnaður, samstundis sum tit góvu dønum knappar 400 milliónir í gávu hvør ár, og nú eru røddir frammi um, at fáa statin at lækka rentuna. Nei, nú er at vísa ábyrgd.
Eitt máttu tit vita, at tað er í góðum tíðum at fólkið hevur ráð at gjalda skatt, og í ringum tíðum, at fólkið hevur brúk fyri skattalætta, so leggi ikki meira byrðar á Føroya fólk, lækki heldur tykkara egnu løn, spari uppá uttanlandsferðir, spari uppá sterkar løgir hvørja ferð okkurt er á skránni og minka tann almenna sek-torin, soleiðis at javnvág kemur uppá tær milliónirnar sum danir fáa hvør ár.
Við loysingarkvøðu, men við skili.
