Veðrið darvar enn einaferð siglingini hjá Smyrli, eins og tað hevur gjørt um vikuskiftið. Hetta hevur fingið Strandferðsluna til at gera nakrar broytingar í ferðaætlanini, soleiðis at tveir túrar í morgin, 18. desember, verða avlýstir vegna vánaliga veðurforsøgn.
Fýra túrar eru vanliga á skrá hjá Smyrli týsdagar, men túrarnir úr Tórshavn klokkan 13 og av Krambatanga klokkan 15:30 verða ikki sigldir í morgin. Annars siglir Smyril sum vant av Krambatanga klokkan 07 um morgunin og av Havnini klokkan 18:30, og Strandferðslan hevur ikki boðað frá øðrum seinkingum ella avlýsingum.
