SMS: Stórsigrar til Neistan, StÍF og Kyndil

Tríggir dystir vóru leiktir í SMS-deildini í dag, og allir endaðu við stórsigrum.

Í høllini á Hálsi vann Kyndil 34-25 á verandi FM-vinnarunum, H71. Í steðginum var Kyndil á odda heili 21-11.

Turið Arge Samuelsen var enn eina ferð toppskjútti hjá Kyndli, hesaferð við átta málum. Anna Elisabeth H. Weyhe var toppskjútti hjá H71, somuleiðis við átta málum.

HER ber til at síggja dómaraseðilin frá HSF: 

##med2##

Suðuri í Vági vann Neistin stórsigur 38-21 á VB. Í steðginum var Neistin á odda 16-8.

Erna Pajić og Bára K. Mortensen vóru toppskjúttar hjá VB við fýra málum hvør. Bjørk F. Joensen var toppskjútti hjá Neistanum við heili 13 málum. 

HER ber til at síggja dómaraseðilin frá HSF: 

##med3##

Í høllini á Skála vann StÍF stórsigur 39-26 á Stjørnuni. Í steðginum var StÍF á odda 21-14.

Toppskjútti hjá StÍF var Natasja Hammer við 10 málum. Savica Mrkikj og Valentina Landri vóru toppskjúttar hjá Stjørnuni við seks málum hvør.

HER ber til at síggja dómaraseðilin frá HSF: 

##med4##