Íslendingar samráðast nú um at keypa møblahandilsketuna Ilva. Ilva er upprunaliga danskt felag, men fyri fimm árum síðani keypti bretski kapitalgrunnurin Advent felagið. Hesi árini hevur felagið víðkað virksemið í Svøríki og Bretlandi, men úrslitið hevur verið so mikið vánaligt, at seinasta roknskaparár hevði Ilva 128 mió. krónur í halli, skrivar Berlingske Tidende.
Nú samráðast íslendingar um at keypa Ilva frá bretska grunninum. Kaupthing Bank váttar fyri Berlingaranum, at samráðingar eru um keypið.
Ilva hevur trý stór handilshús í Danmark. Tey eru í Lyngby, Ishøj og í Århus.
