##med2##
Og lønarhækkingin er 4,74 krónur oman á tímalønina tað fyrra árið og 4,90 krónur oman á lønina tað seinna árið.
Tað sigur Ansgar Hansen, formaður í Klaksvíkar Arbeiðsmannafelag við FM1.
Harumframt hava tvey fingið eina starvsaldur viðbót upp á 8 prosent.
Ansgar Hansen sigur, at nakrar broytingar eru gjørdar innan fyri karmin, so meira er komið upp á grundlønina, tí sigur hann, at prosentvøksturin er eitt stað í millum 3,5 og 4 prosent.
Trýstið á pílin undir myndini og hoyrið samrøðu, sum Árni Gregersen hevði við Ansgar Hansen í tíðindunum á FM1 klokkan 16.
----
Fyri løtu síðani skrivar Vinnuhúsið soleiðis:
Allir partar hava í dag góðtikið semingsuppskotið og hava undirskrivað ein tvey ára sáttmála.
Semingsmaðurin Terje Sigurðsson legði týskvøldið 24. mai eitt semingsuppskot fyri Føroya Arbeiðsgevarafelag og arbeiðarafeløgini.
Partarnir hava í dag sagt ja til semingsuppskotið og hava undirskrivað ein tvey ára sáttmála.
Avtalaðu lønarhækkingarnar eru hesar:
1 . mai 2022 hækkar lønin 3,50%
1 . mai 2023 hækkar lønin 3,50%
Umframt hækking í lønini eru broytingar gjørdar í starvsaldrinum. Hetta merkir, at samlaði karmurin hetta tvey ára sáttmálaskeiðið er 3,80% fyrsta árið og 4,04% annað árið.
Sáttmálanir og lønartalvurnar verða nú dagførdar og nærri kunning verður send tykkum seinni.
