Búnaðarstovan, Veltan og Grøni Háskúlin hava tikið stig til at skipa fyri einum pallborðsfundi á Eplafestivalinum undir heitinum “Skulu vit hava vinnuliga grønmetisframleiðslu í Føroyum?”.
Fundurin er almennur og verður á fjósloftinum í Miðstovuni í Trøðum leygardagin 28. september 2024 klokkan 10. Framløgur verða um evnið, og pallborðsluttakarar seta sjøtul á kjakið.
Orðstýrari verður Óluva Zachariassen.
Í sambandi við pallborðsfundin fer kokkurin, Gutti Winther, at bjóða brellbitar av ymiskum grillaðum grønmeti.
- Nýggju norðurlendsku kosthaldsráðini mæla til at eta lutfalsliga meira av grønmeti, enn gjørt verður nú, og landsstýrismaðurin í landbúnaðarmálum hevur boðað frá nýggjum landbúnaðarpolitikki, har eitt nú innlendis grønmetisframleiðsla er raðfest frammarlaga.
##med2##
Fyriskipararnir av pallborðsfundinum á Eplafestivalinum vóna, at tikið verður væl ímóti hesum høvi at hittast á fjósloftinum í Miðstovuni at umrøða dagsaktuella evnið eina løtu og somuleiðis at smakka onkrar av brellbitunum frá góða kokkinum.
