Tað er ST-aðalskrivarin, Ban Ki-moon, sum hevur valt teir tríggjar fyrrverandi politikararnar, og tað er ikki hvør sum helst, ið fær slíkan heiður.
Tey trý útvaldu eru fyrrverandi norski forsætisráðharrin Gro Harlem Brundtland, fyrrverandi forsetin í Kili Ricardo Lagos og fyrrverandi uttanríkisráðharrin í Suðurkorea Han Seung-soo.
Tey trý sendifólkini skulu arbeiða saman við stjórnum kring allan heimin, og høvuðsuppgáva teirra verður at hjálpa Ban Ki-moon í arbeiðinum at fáa ferð á samráðingarnar um, hvat gerast skal fyri at tálma veðurlagsbroytingunum.
