Tann 47 ára gamli maðurin, sum leyp á ein lækna og tveir sjúkrarøktarfrøðingar á psykiatrisku deild á universitetssjúkrahúsinum í Odense í gjár við knívi, varð í dag formliga skuldsettur fyri drápsroynd í trimum førum.
Tað hendi í rættinum í Svensborg fyrrapartin. Tann skuldsetti er innlagdur á eina pyykiatriska deild í Middelfart.
Løgreglan í Odense segði fyrr í dag, at tann 34 ára gamli læknin, sum bleiv stungin í búkin, er franvegis í lívsvanda, meðan tær báðar kvinnurnar, sum eru 30 og 34 ára gamlar, hava tað betur.
Løgreglan dugir framvegis ikki at siga, hvussu tað bar til, at tann sálarsjúki maðurin hevði knív uppi á sær inni á deildini. Tann spurningurin fær ikki svar fyrr enn í næstu viku, sigur løgreglan við danska kringvarpið.
