Sørvágs Country- & Blues Festivalur verður vikuskifti 8. - 9.juni. Festivalurin verður skipaður við country og blues tónleiki fyri ung sum eldri. 17 føroyskir og fýra útlenskir bólkar eru við, so tað verður ein fjølbroytt skrá.
Tiltakið fer fram á Dungarsandi í Sørvági, har rúm verður fyri stóra palli, lítla palli og einum spontan palli, har øll kunna royna seg um tey har hug, sigur Maria Samson, sum er ein av fyrireikarunum.
Dansistovan verður skipað sum matstað, har tú kanst keypa tær ein búff og sita og hugna tær. Wild West verður ein saloon, har tú kanst keypa tær okkurt leskiligt, og live tónleikur verður bæði kvøldini, um onkur skuldi havt hug at dansað eitt nú line dans.
Serligur dentur verður lagdur á, at tá atgongumerkið til barnið er keypt, so eru øll tiltøk á økinum ókeypis m. a. gullgraving, 12 m høgur klatriveggur, hoppiborgir, kanorógvning, ponyríðing og skattaveiða og undirhald við Kapteyn Gardar & Stampi. Børnini eru eisini vælkomin at royna seg á spontan pallinum, sigur Maria Samson.
Pláss er eisini fyri campingvognum á økinum, og ein countrygøta verður við fleiri spennandi tilboðum, kaffisøla, cowboy klæðir, skógvar og hattar osv.
Skráin til festivalin verður:
Fríggjadagin 08.juni
Stóri pallur:
19.00 Jacksons
20.00 Ragnar í Vík
22.00 Evi Tausen
00.00 Wenche Hartmann
01.00 Froðbiar Sóknar Blues Orkestur
Lítli pallur:
16.00 Nameless
17.00 Toft
18.00 Evangelieteamet
21.00 Vestmenn
23.00 Four MenH
Leygardagin 09.juni
Stóri pallur:
18.00 Alex & Kristina Bærendsen
20.00 Uni Debess
22.00 Hallur Joensen
00.00 Henning Stærk
01.00 holgar, Jóhan Jakku & Sámal
Lítli pallur:
14.00 Kaptayn Gardar
15.00 Gert W. Joensen
16.00 Nashville
17.00 Tey á Løgmansbø
19.00 holgar & Tórfríð
21.00 Magni Christiansen
23.00 Rannva Vesturklett
Fyrivarni verður tikið fyri møguligum broytingum
Meira kann lesast á www.country.fo
