Í minsta lagi eitt fólk doyði, tá ein amerikanskur ferðamaður byrjaði at skjóta inni á einum hotelli í ísraelska frítíðarbýnum Eilat. Tíðindastovurnar skriva, at ísraelska løgreglan hevur kringsett hotellið.
Blaðið Haaretz skrivar, at amerikanski ferðamaðurin tók byrsuna frá einum trygdarmanni á hotellinum Leonardo Club Hotel. Ísraelska útvarpið sigur, at maðurin skeyt eitt fólk, sum arbeiddi á hotellinum, og at hann síðani hevur læst seg inni í einum kamari.
Ísraelska løgreglan dugir ikki at siga, hví maðurin tók byrsuna og fór at skjóta.
