Fýra føroyingalið, eitt í bestu donsku hondbóltsdeildini hjá kvinnum, og trý lið í næstbestu donsku hondbóltsdeildini vóru í leiki í dag.
Í bestu deildini taptu Marita Mortensen og liðfelagarnir í HØJ á útivølli 30-33 fyri EH Aalborg. Í steðginum var Aalborg á odda 16-13. Marita var noterað fyri eitt mál.
HØJ er nummar 12 í deildini við seks stigum fyri 12 dystir.
Í næstbestu deildini eydnaðist tað Elsu Egholm, Lív og Vár Zachariasen, og liðfeløgunum í Ajax á heimavølli at vinna stórsigur 34-20 á SIK Viborg. Í steðginum var Ajax frammanfyri við níggju málum, 17-8.
Elsa skoraði tvey mál, meðan Lív og Vár skutu eitt mál hvør.
Ajax er nummar fimm í deildini við 14 stigum.
Tað eydnaðist Brynhild Pálsdóttir, Marionnu G. Eystberg og liðfeløgunum í Ydun at tryggja sær eitt stig við javnleiki 30-30 í útidysti móti Sæby. Í steðginum var Sæby á odda 17-15.
Brynhild skoraði seks mál og var næstbesti málskjúttin hjá Ydun. Marianna skoraði tvey mál.
Ydun er næstaftast í deildini við seks stigum.
Rannvá Olsen og liðfelagarnir í Ejstrup/Hærvejen taptu á heimavølli í Snede-høllini 24-26 fyri Fredericia. Í steðginum vóru Rannvá og liðfelagarnir á odda 16-14.
Rannvá skoraði tvey mál.
Ejstrup/Hærvejen er nummar níggju í deildini við níggju stigum.
