Angela Merkel er sera misnøgd við, at suðurkoreanska stjórnin játtaði at tingast við Taleban um teir suðurkoreonsku trúboðararnar, sum Taleban burturflutti í Afghanistan.
- Taleban hevur eisini burturflutt ein týskan verkfrøðing, men suðurkoreanska framferðin fær ikki okkum at broyta mannagongd, sigur Angela Merkel við týskar fjølmiðlar í dag.
Hon er ikki einsamøll um misnøgdina. Kanadiski uttanríkisráðharrin, Maxime Bernier, sigur við BBC, at avgerðin hjá suðurkoreonsku stjórnini at slaka fyri Taleban fer uttan iva at elva til fleiri burturflytingar í Afghanistan.
Suðurkoreanskir fjølmiðlar skriva í dag, at stjórnin hevur goldið Taleban tvær mió. dollarar í loysigjaldi fyri teir seinastu 19 gíslarnar. Tilsøgnin um at taka teir suðurkoreonsku hermenninar úr Afghanistan í hesum árinum hevur minni týdning, tí tað ætlaði Suðurkorea at gera kortini, skriva suðurkoreoonsk bøð í dag.
