Fyrr í vikuni sendi Súni Schwartz Jacobsen eina rættleiðing til miðlarnar. Tað var um søgurnar, sum Sosialurin og Kringvarpið vístu á mánadagin um, at grannskoðanin í Føroyum og Danmark talaði ímóti at draga tapið á 90 milliónir krónur frá í skatti. Sosialurin og Kringvarpið vístu til fundarfrágreiðingar hjá nevndini í Eik frá 2013 og 2014.
Men í dag er tíðindaskrivið tikið aftur. Sosialurin skilur, at orsøkin er, at Henrik Barner, grannskoðari, ikki vildi góðtaka skrivið. Hetta sum skilst tí, at Súni Schwartz Jacobsen insinueraði í rættleiðingini, at Henrik Barner tók undir við tí, at bankin skuldi hava frádráttin. Men KPMG og harvið Henrik Barner hava áður og síðani hendan nevnda fundin ført fram, at tey meta tað ivasamt, at bankin kundi draga tapið frá.
Súni Schwartz Jacobsen førdi í rættleiðingini fram, at málið vendi øðrvísi enn miðlarnir vildu vera við, tá ið allur setningurin hjá danska grannskoðaranum varð tikin við. Avgerandi setningurin er sambært bankastjóranum hesin: "men var enig i, at banken i den færøske indkomstopgørelse havde foretaget et fradrag for udgifterne i forbindelse med selvangivelsen for 2011."
Brot úr rættleiðingini frá Súna Schwartz sæst her:
"Í sendingini (Dagur&Vika, red) varð valt at steðga við eitt komma, sum hevði vent søguni 180 stig.
Sum undantak vilja vit her endurgeva úr nevndarprotokollini.
Í nevndarprotokollini frá 13. mars 2013 stendur orðarætt:
"Pkt. 8.1.2 omfatter selskabets udskudte skat. I forhold til dette punkt omtaltes det forhold, at banken for perioden 2010/2011 har valgt at indberette egenkapitalbevægelserne i primobalancen som skattemæssigt tab i forbindelse med overtagelsen af Eik Banki tilbage i oktober 2010. Den skattemæssige værdi af tabet udgør et beløb i størrelsesordenen (ca. 514 mio. kr. x 18%) dvs. 100 mio. kr. Den skattemæssige værdi er selvangivet uden dog at være indregnet som et aktiv. Beløbet indgår derfor ikke i balancen.
Henrik Barner bemærkede, at det danske skattevæsen ikke accepterer, at det skattmæssige tab optages i primobalancen i en lignende situation, men var enig i, at banken i den færøske indkomstopgørelse havde foretaget et fradrag for udgifterne i forbindelse med selvangivelsen for 2011."
Men í dag hevur Eik tikið rættleiðingina av heimasíðuni.
Vit hava spurt Súna Schwartz Jacobsen hví rættleiðingin er tikin aftur, men tað hevur ikki eydnast at fáa viðmerking frá bankastjóranum.