Í løtuni er tað sjáldsama galdandi, at annar varaborgarstjóri er sitandi borgarstjóri í Tòrshavnar kommunu.
Hetta kemst av, at bæði borgarstjórin, Heðin Mortensen, og varaborgarstjórin, Bogi Andreasen, eru farnir til Íslands at luttaka á Hátíð Havsins, sum byrjaði í Reykjavík í gjár.
Tað merkir, at annar varaborgarstjóri má traðka til. Tað er Sjúrður Olsen úr Fólkaflokkinum, sum altso er sitandi borgarstjóri hesar dagarnar.
