Í gjár endurtók franski forsetin, Emmanuel Macron, møguleikan at senda vesturlendsk herfólk til Ukraina.
- Vit eru ikki í einari slíkari støðu í dag, men allir møguleikar eru opnir, segði hann í samrøðu við franska sjónvarpsrás í gjár.
Hesar útsagnir hjá franska forsetanum hava nú fingið russar upp úr stólinum.
- Hetta eru sinnissjúkir dreymar, sigur Sergej Narysjkin, sum er leiðari fyri russisku uttanlands fregnartænastuna, rópt SVR.
Tíðindastovan, Reuters, vísir á, at Emmanuel Macron eisini førdi fram hesi sjónarmið í februar.
##med2##
Sum heild tóku vestanlond ikki undir við hasara útsagnum.
Nato-aðalskrivarin, Jens Stoltenberg, hevur eisini sagt, at ongar ætlanir fyriliggja um at senda vesturlendsk herfólk til Ukraina.
Sama hava eisini leiðarar í USA og Týsklandi sagt.
