Símun á Høvdanum tekur í dag sæti í Klaksvíkar býráð. Í komandi viku er nevndarumfar hjá Klaksvíkar býráð, og tá verður tað Símun á Høvdanum, sum fer at umboða Fólkaflokkin meðan Gunvá við Keldu er í farloyvi, skrivar klaksvik.fo.
Símun loysir Gunvá av fram til 30. november í hesum nevndum: Heilsunevndin, Mentanarnevndin, Trivnaðarnevndin Eldri og bústaðir og Umhvørvis- og býarskipanarnevndin.
Í stuttari viðmerking sigur Símun, at hann sær fram til at gera sína ávirkan galdandi, hóast tíðarskeiðið er stutt.
