Signar í Homrum fekk eina uppliving av teimum heldur sjáldsomu, tá hann saman við John Johansen stóð fyri tónleikinum á Café Natúr í Havn fríggjakvøldið.
Signar skrivar sjálvur um hendingina á Facebook, har ein gestunum á Café Natúr kom og spurdi hann, um hann dugdi onkran sang hjá Signar í Homrum.
Svarið hjá Signari var játtandi, og hann játtaði enn einaferð, tá hann varð spurdur, um hann dugdi at spæla og syngja “Sorgblídni”
- Áh, super. Góði spæl hann, vóru boðini, sum Signar at enda fekk, og tað stóð sjálvandi ikki á.
- Gott at fáa kekka jørðforbindilsið viðhvørt, staðfestir Signar heldur hugfarsliga á Facebook-vanga sínum.
Ja. Kanska var tað eitt hugskot, um tað eisini var mynd á plakatini, tá Signar næstu ferð skal spæla.
