- Partrolararnir koma inn at landa, sum næsta vika gongur. Fiskiskapurin eftir upsa er heldur betri nú.
Á Fiskamarknaði Føroya vita tey at siga, at eitt partrolarapar er á Flemish Kap og fiskar tosk. Fiskurin verður ísaður umborð, men skipini koma neyvan heim at landa í vikuni sum kemur.
- Fýra djúpvatnstrolarar eru eisini á Flemish Kap og fiska tosk. Tríggir frysta fiskin umborð, meðan fjórði trolarin ísar.
Tveir djúpvatnstrolarar fiska upsa undir Føroyum og koma helst inn at landa fyrst í vikuni sum kemur - og ein djúpvatnstrolari fiskar djúpvatnsfisk og landar niðri.
- Magnus Heinason ger ymiskar kanningar og kemur helst at landa miðskeiðis í vikuni. Restin av djúpvatnstrolarunum liggja við bryggju
Allir teir smáu trolbátarnir eru inni, men fara út aftur, tá veðrið batnar.
- Fiskiskapurin hjá garnaskipum á svartkalvaveiði er smáligur, verður lagt aftrat.
