Leygardagin 22. oktober er seinasta umfar í Effo-deildini á skránni. Allir dystirnir byrja klokkan 14.00.
Spenningurin í toppinum í Effo-deildini heldur sær til seinasta umfar. Spurningurin um, hvør skal avstað við FM-steypinum verður avgjørdur komandi leygardag, og tá klokkan fer at nærkast fýra, er allarhelst greitt, hvør verður føroyameistari 2016.
Størst spenningurin verður uttan iva í dystunum á Argjum, har AB tekur ímóti Víkingi, og í Fuglafirði, har ÍF og KÍ møtast. Rás2 sigur frá báðum dystunum. Rás2 byrjar at senda longu klokkan 12.30.
Undan seinasta umfari hevur Víkingur 58 stig, meðan klaksvíkingar hava 57 stig.
Dystirnir í 27. umfari eru hesir:
AB – Víkingur Beinleiðis á Rás2
ÍF – KÍ Beinleiðis á Rás2
B68 - NSÍ
B36 - TB
Skála - HB
