Scott Harrington, sum er landsliðsvenjari saman við Andriasi F. Hansen hevði eitt sindur blandaðar kenslur aftaná tepra 19-21 (8-8) tapið hjá føroyska kvinnulandsliðnum ímóti Makedonia í HM-undankappingardystinum, sum var leiktur í høllini á Hálsi í Havn fyrr í kvøld.
Á plusssíðuni fegnast Scott Harrington um føroyska verjuspælið, og hann er eisini fegin um, at føroyska liðið var tendrað frá dystarbyrjan, og var væl við allan dystin.
Á minussíðuni eru tó álopsmistøkini, ikki minst tey brendu brotskøstini, og aðrir upplagdir málmøguleikar, sum ikki góvu mál. Málmøguleikar, sum kundu koppað dystin yvir til Føroyar.
- Hetta er eitt annað støðið, enn tað genturnar eru vanar við í dagligu kappingini, ásannar Scott Harrington, sum tó undirstrikar, at hann er stoltur av avrikinum hjá føroysku kvinnunum.
TRÝST á PÍLIN undir MYNDINI, og hoyr samrøðuna Tróndur Arge hevði við Scott Harrington á Rás2.
