Sunnudagin verður val í Finnlandi, og meiningakanningar benda á, at tann liberalkonservativi Savningarflokkurin verður tann størsti. Eftir meiningakanningunum fær flokkurin beint oman fyri 20 prosent av atkvøðunum.
Men tað verður stutt niður til teir næstu, tí kanningarnar geva Sosialdemokratunum og Miðflokkinum 18 prosent í part.
Verður úrslitið, sum meiningakanningarnar benda á, er tað fyrstu ferð, at Savningarflokkurin er tann størsti í Finnlandi.
