Uppskotið hjá samgonguni loysir ikki trupulleikan. Tað er Johan Dahl, tingmaður fyri Sambandsflokkin, sannførdur um. Løgtingið viðgerð eitt uppskot f rá andstøðuni um at smakynd foreldur skulu fáa sama rætt í barsilsskipanini, sum onnur foreldur hava.
Johan Dahl hevur sett samgonguna í eina ringa støðu, tí hann hevur boðað frá, at kemur samgongan ikki við einum uppskotið, sum loysir trupulleikan fer hann at atkvøða fyri uppskotinum.
Og tað er ein støða, hann hevur tikið, tí at samgongan hevur avtalað, at er samgongan ikki samd um eitt mál, skal samgongan ikki atkvøða fyri. Men hann sigur, at tað er hansara sannføring, at vit kunnu ikki gera mun á børnum og reinsa lógarverkið fyri samkynd.
Hetta er ikki eitt etiskt mál, men eitt ótiskt sjálvmál hjá samgonguni, sigur Johan Dahl.
Christian Andreasen, tingmaður fyri Fólkaflokkinum, hevur roynt at bjarga samgongini við at leggja eitt uppskot fyri Løgtingið um, at pengarnir skulu fylgja barninum. Tað merkir, at ein persónur, sum er einsamalt foreldur, kann gera av, hvør skal hava tann partin av farloyvinum o.s.fr., sum hitt av foreldrinum skuldu hava. Men orðini samkynd foreldur verða ikki nevnd.
Johan Dahl sigur, at hetta fer at avtaka barsilsskipanina, sum hon er nú, tí nú kann ein persónur, sum fær eitt barn, geva hvørjum Hanusi og Janusi, barsilsfarloyvi og barsilsgjald. Nú fer hetta at líkjast meiri eini barnaansingarskipan enn eina barsilsskipan, sigur hann. Aksel V. Johannesen sigur, at nú kann ein støk mamma, geva eini systir, eini vinkonu, ella onkrum øðrum, barsilsfarloyvi og barsilsgjald.
– Tað er skeivt at halda, at trupulleikin er loystur við at strika orðið samkynd úr lógini, tí verður hetta ikki loyst nú, fer tað at vera ein trupulleiki hjá øllum Løgtingum fram yvir, til tað verður loyst.
