Tað verður staðfest í eini nýggjari veljarakanning, sum Gallup hevur gjørt fyri Dimmalætting.?
Blaðið skrivar, aftur ímóti seinasta løgtingsvali, er Sambandsflokkurin tann einasti, sum hevur framgongd.?
Framgongdin hjá Sambandsflokkinum er 4,7%. ?Teir báðir tinglimirnir, sum flokkurin fær afturat, høvdu komið frá Fólkaflokkinum og frá Miðflokkinum, sum høvdu mist hvør sín tinglim.?
Fólkaflokkurin hevði havt eina afturgongd upp á 3%, og Tjóðveldi hevði havt eina afturgongd upp á 0,6%. ?Javnaðarflokkurin hevur havt vánaligar kanningar, men hann hevur rættað skútuna aftur, og nú liggur hann 0,9% lægri enn hann gjørdi á seinasta vali. ?
Poul Michelsen er farin úr Fólkaflokkinum, og tað ávirkar uttan iva úrslitið hjá flokkinum.?
Poul Michelsen hevur síðani stovnað sín egna flokk, men veljarakanningin vísir, at hann hevði ikki verðið valdur á ting, var val nú.
?Annars høvdu allir hinir flokkarnir fingið líka nógvar tinglimir, sum teir hava nú.
