Sam Simon og Bob Barker løgdu seinnapartin í gjár at við bryggju í Bremen í Týsklandi.
Sambært felagsskapin tóku hundraðtals stuðlar ímóti skipinum.
Triðja skipið, sum hevur verið í Føroyum í summar, tvíkiljan Brigitte Bardot, kom til Bremen í farnu viku.
Seinastu Sea Shepherdfólkini á landi fara av landinum komandi dagarnar.
Væntandi verða eingi av teimum til staðar, tá málini móti teimum verða viðgjørd í Eystara Landsrætti.
