Føroyski landsliðsmálverjin, Annika Fríðheim Petersen og liðfelagarnir í Follo eru framvegis næstaftast í bestu norsku hondbóltsdeildini við bert seks stigum.
Í kvøld tapti Follo sætta dystin á rað. Í dag gjørdist talan um eitt 27-33 tap fyri Romerikets Ravens á útivølli.
Í fyrra hálvleiki gekk væl, og var Follo á odda 15-13 í steðginum. Í seinna hálvleiki gekk tað illa í hond, og so gjørdist talan um enn eitt tap hjá Follo.
Annika bjargaði bert átta prosent av málroyndunum. Kappingarneytin, June Cecilie Krogh stóð seg munandi betri við einum bjargingarprosenti upp á 28 prosent, so her er talan um harða kapping hjá føroyska landsliðsmálverjanum.
Komandi sunnudag tekur Follo móti Oppsal á heimavølli.
