Næstsíðsta umfarið í næstbestu deildini er á skránni í vikuskiftinum. Fyrsti dysturin varð spældur í Gundadali í gjárkvøldið, har SÍ vitjaði HB. Sørvingar vunnu 3-1 eftir 1-1 í hálvleikinum.
Jørgen Meitilberg legði SÍ framum, og Tróndur Sigurðsson svaraði aftur fyri HB.
Eftir steðgin misti HB skjótt ein mann. Í somu støðu varð brotsspark dømt, og tað umsetti Jens Erik Rasmussen til 2-1 SÍ leiðslu. Jørgen Meitilberg staðfesti 3-1 sigurin.
At SÍ vann trý stig ímóti HB ber við sær, at munurin millum tey bæði feløgini nú bara er tvey stig. Harvið hevur SÍ møguleika í síðsta umfarinum at vinna seg upp á 7. plássið. Í 27. umfari skal SÍ spæla á heimavølli ímóti NSÍ, meðan HB skal spæla á Tvøroyri.
Fýra dystir eru á skránni í dag. Tað er longu avgjørt, at B68 og ÍF næsta ár skulu spæla í Formula deildini. Í dag spæla hesi bæði liðini á útivølli. B68 fer longu klokkan 13 at spæla á útivølli ímóti grannunum í Runavík, og ÍF fer seinni seinnapartin til Klaksvíkar.
1. deild
26. umfar í dag:
FSV04-TB: Jan Skoradal kl. 15
B36-LÍF: Eugen Voda kl. 15
KÍ-ÍF: Rói Jacobsen kl. 15
NSÍ-B68: Andrew Christiansen kl. 13
Fríggjakvøldið:
HB-SÍ 1-3 (1-1)
0-1: Jørgen Meitilberg
1-1: Tróndur Sigurðsson
1-2: Jens Erik Rasmussen
1-3: Jørgen Meitilberg
Støðan í 1. deild:
B68 68 stig
ÍF 55 stig
FSV04 48 stig
TB 43 stig
LÍF 40 stig
NSÍ 29 stig
HB 29 stig
SÍ 27 stig
KÍ 17 stig
B36 9 stig
Øll liðini hava spælt 25 dystir uttan HB og SÍ, sum hava spælt 26 dystir.
