Ymiskar eru uppgávurnar hjá løgregluni og í dag var ein heldur øðrvísi uppgáva á skránni. Tí meðan tað er púra vanligt at síggja seyð ganga nærhendis og í bygdum øki kring landi, so er tað meira óvanligt at síggja seyð á gøtunum í Havn.
Soleiðis var tó fyrr í dag, tá ið løgreglan varð boðsend at taka sær av einum seyði, sum gekk mitt á vegnum við R.C Effersøes gøtu. Løgreglan sigur, at seyðurin fann leiðina oman á Skansan.
Síðani fekk løgreglan fatur á eigaranum, sum kom eftir seyðinum. Sí myndirnar, sum ein lesari hjá in.fo tók fyrr í dag, undir myndini.
