Símun er ættaður úr Porkeri. Sum heilt ungur fór hann í málaralæru hjá Andreas K. Mouritsen.
Símun giftist við Rebekku, sum var ættað av Skála. Tey fingu fýra børn.
Fyrst í sekstiárunum flutti familjan til Havnar, har Símun arbeiddi hjá Málingahandlinum í nøkur ár. Síðan arbeiddi hann sjálvstøðugt sum málarameistari. Kona Símun, Rebekka, doyði í 2001. Símun eigur fýra abbabørn og tvey langabbabørn.
Tey, sum ynskja at heilsa upp á Símun føðingardagin, eru vælkomin á Suðuroyarveg 7 frá kl. 17.
