TRÝST á PÍLIN undir MYNDINI, og hoyr samrøðuna Hilmar Jan Hansen gjørdi á Rás2 við landsliðsspælaran hjá Víkingi, Sølva Vatnhamar aftaná 3-1 sigurin hjá Víkingi yvir NSÍ við Løkin í Runavík í dag.
Sølvi Vatnhamar staðfesti sigurin við at skora til 3-1 við einum góðum skoti: - Tað ráddi um at fýra hann av, sigur landsliðsspælarin um bóltin og skotið hjá sær, sum sat vakurt í netinum.
Sølvi Vatnhamar heldur tó, at tað er Hans Pauli Samuelsen, sum bjargar degnum hjá Víkingi við sínum vakra frísparksmáli til 2-1.
Sølvi Vatnhamar heldur, at frá 35. minutti til dystarenda spælir Víkingur tann fótbóltin teir duga best. Fyrstu løtuna var tað tamari.
Mikukvøldið tekur Víkingur ímóti TB.
