Ungi Hannibal Lecter er faðirloysingur. Bæði foreldrini doyðu undir seinna heimsbardaga. Hann er einsamallur við systrini Mischa. Seinni taka hermenn smágentuna Mischu av døgum
Hannibal bjargar lívinum og flýddi sjálvur undan leiguhermonnum. Hann endaði á einum barnaheimi, men rýmur haðani til Paris og fer at búgva hjá konuni hjá pápabeiggjanum Lady Murasaki. Hon tekur sær av honum og lærir hann um fínmentan. Hannibal fær stóran áhuga fyri vápnum, heilivági, matgerð og mannakjøti. Jú hesin mentaði drápsmaðurin og psykopaturin er komin aftur, men orka vit at hoyra um Hannibal aftur?
Vit sóu hetta tema í filminum The Perfume herfyri og í søgunum um Hannibal fyrr.
Skaldsøgurnar til filmin The Silence of the Lambs, ið vann seks Oscars í 1991, eru skrivaðar av Thomas Harris. Seinni kom so Hannibal í 1999.
Hannibal sum ungt menniskja, ella eitt Portrait of The Serial killer as a Young Angry Man. Hesin ungi maðurin er ein sera óður og óndur maður, klókur og vandamikil. Hann fer at leita eftir teimum, sum hava dripið systrina, og hann kann ikki støðgast.
Kant tosar um hypotetiska imperativið, at ein gerningur uttan annan moral enn bert at fylgja eini reglu er vandamikil. Ein lækni kann t. d. grøða, og hann kann drepa, hetta er bert ein spurningur um dosering. Hannibal, sum lesur læknafrøði, skilir bert hetta seinasta. Filmurin er myrkur og heldur langdrigin. Persónliga eri eg ikki til ræðufilmar, men eg dugi at síggja, at hann er meiri enn ein drápsfilmur. Hannibal Rising er væl gjørdur og hugtakandi, men søgan ella mytan um Hannibal er eitt sindur útvatnað.
Tey sum elska heetta filmsslagið, skulu sjálvandi í Havnar Bio at lata seg skelka av Hannibal einaferð enn.
Fakta um Hannibal Rising:
Leikandi:
Hannibal:Gaspard Ulliel
Lady Murasaki: Gong Li
Grutas:Rhys Ifans
Kolnas: Kevin McKidd
Leikstjóri Peter Webber. 117 minuttir. Framførdur í Havnar Bio frá fríggjadegnum 9. mars. Aldursmark 15 ár.
