Russland hevur roynt at sloppið uppí aftur mannarættindaráðið hjá ST, eftir at landið varð koyrt úr ráðnum, tá russiskar herdeildir gjørdu innrás í Ukraina í februar í fjør.
Men, nú er greitt, at Russland sleppur ikki uppi aftur ráðið fyribils. Tað veit tíðindastovan AFP at siga í dag.
Mannarættindaráðið í ST hevur 47 limalond, sum verða vald í ráðið fyri eitt trý áraskeið. Russland kappaðist við Albania og Bulgaria um tveir av sessunum, men fekk stólin fyri hurðina.
Tað var í september, at BBC hevði fingið fatur í einum avriti av einari fráboðan, sum Russland hevði sent út til ST-limalond og bað um stuðul til at sleppa uppí aftur ráðið.
Í fráboðanini lovaði Russland at finna loysnir á mannarættindaspurningum, sum funnust hevur verið at.
Sambært BBC vónaði Russland at vinna eitt ávíst trúvirði aftur á altjóða pallinum, eftir at landið er skuldsett fyri brot á mannarættindi, bæði í Ukraina og innan egið landamark.
Men, hetta trúvirðið hevur Russland eftir øllum at døma ikki fingið í ST.
