- Í Kyiv eru tey fult greið yvir, at stigið at fara upp í Nato kann føra til eina víðkan av krígnum og føra til ein triðja heimsbardaga.
Tað sigur varaskrivarin í russiska trygdarráðnum, sambært tíðindastovuni Tass.
Stutt eftir, at Russland legði undir seg fýra ukrainskar regiónir í endanum av september, gjørdist tað alment, at Ukraina søkir um Nato-limaskap.
Alexander Venediktov sigur, at skundumsóknin hjá Ukraina um limaskap í verjusamgonguni er eitt propagandastunt, sum hann rópar tað.
- Nato-limalondini skilja væl, at eitt slíkt stig minnir um eitt "sjálvmorð", sigur varaskrivarin í russiska trygdarráðnum við tíðindastovuna, Tass.
