Russland, sum gjørdi innrás í Ukraina hin 24. februar, heldur ikki, at landið hevur nakað at snakka við verjusamgonguna Nato um.
Alexander Grushko, sum er næsti maður verjumálaráðharrans í Russlandi, sigur í dag, at Moskva einki samband hevur við Nato.
- Vit hava einki at snakka við Nato um, skrivar Reuters, sum endurgevur russisku tíðindastovuna, Tass.
Russiska krígsførslan í Ukraina heldur fram við teimum ógvusligu avleiðingunum fyri ukrainska fólkið, sum vit serliga hava sæð seinastu dagarnar.
Myndir úr økjum, har russiski herurin er rýmdur - ella rikin burtur - hava skakað stóran part av heiminum, og ágangurin á Russland er stórur.
##med2##
