Eitt russiskt oljutangaskip er farið á land í eystara parti av Eystrasalti umleið 150 kilometrar vestur úr Sankta Pætursborg.
Tað upplýsir tíðindastovan AFP.
Sambært AFP skrivar russiski skipamyndugleikin Rosmorrechflot á Telegram, at ”ein spreinging hendi í maskinrúminum” á skipinum í morgun.
Tíðindastovan dpa siterar russisktmæltu Telegram-rásina Baza fyri at siga, at tað vóru "fleiri spreingingar".
Sambært dpa hevur Baza tætt samband við russisku fregnartænastuna.
Skipið, sum eitur "Koala", hevur stívliga 130.000 tons av olju í lastini, skrivar dpa.
Rosmorrechflot myndugleikin boðar frá, at tað eydnaðist manningini at sleppa av skipinum.
Eingin oljuleki hevur verið, skrivar Rosmorrechflot á Telegram, sambært AFP.
Tað er heldur eingin vandi fyri, at skipið søkkur, stendur í fráboðanini.
Sambært dpa taldi manningin 24 fólk umborð.
/Ritzau/
