Russiska verjumálaráðið sigur, at landið fer at taka fleiri stríðsvognar og hernaðarakfør aftur av markinum nærindis Ukraina.
- Eitt tok við herfólki og hernaðarútgerð er komið til støðir sínar í Nizjnij Novgorod-regiónini eftir at hava verið við í ætlaðum venjingum.
Í Russlandi siga tey, at henda afturtøka er hin seinasta í røðini hesa vikuna, men í USA eru tey í iva um, hvørt Russland hevur framt nakra afturtøku yvirhøvur.
Sambært upplýsingum úr USA hevur Russland út við 150.000 herfólk í Russlandi og Hvítarusslandi við markið til Ukraina.
Tað er tíðindastovan NTB, sum ber hesi tíðindi fyrrapartin í dag.
