Hóast Løgtingið hevur samtykt, at russisk fiskiskip framvegis eru vælkomin í føroyskar havnir, so er okkurt sum bendir á, at júst fiskurin, sum verður fiskaður í Føroyum, verður sendur úr Føroyum til lond, sum ikki hava sett revsitiltøk í verk ímóti Russlandi.
Soleiðis kann vinningurin av fiskinum, sum russar veiða í Føroyum, verða við til at fíggja kríggið, sum Russland førir í Ukraina.
Tað er daglig sjón í Føroyum, at russisk fiskiskip umskipa veiðina í farmaskip. Men hesi farmaskip sigla ikki veiðuna heim til svangar russarar. Í øllum førum ikki øll.
Sum myndirnar vísa, so er talan um norskt-skrásett farmaskip, sum siglir russiskan fisk úr Kollafirði til Luanda í Angola.
##med2##
Annað dømið er lettiskt farmaskiið, sum siglir fisk úr Runavík til Lagos.
##med3##
Triðja dømið er farmaskip úr Panama, sum siglir fisk, sum russar hava fiskað í Føroyum til Las Palmas.
##med4##
Og fjórða dømið er farmaskip úr Bahamas, sum siglir fisk, sum russar hava fiskað í føroyskum sjógvi, úr Kollafirði til Las Palmas.
##med5##
