Í síðstu viku var roysningurin fyri fyrstu ferð ein túr eystan fyri oyggjarnar. Tann 3. mai var boðað frá, at roysningurin lá uppi á landi í Funningsbotni. Dagin eftir var hann fyrst á Oyndarfirði og fór haðani yvir undir Kalsoynna, har hann ferðaðist fram við landinum norður á Kalsfles.
Annan dagin legði hann eysturyvir og var 30 fjórðingar í ein landsynning úr Viðoynni, áðrenn hann vendi inn aftur móti Fugloynni. Triðja dagin var hann undir Kunoynni, haðani hann ferðaðist vestur yvir, nakað úr landi.
Næstu tveir dagarnar var hann á kendum leiðum í nánd av Sørvágsfirði, sigur Náttúrugripasavnið.
