Her í Føroyum kenna vit mest Rógva Baldvinsson fyri hansara avrik á fótbóltsvøllinum fyri føroyska landsliðið og fyri Bryne í næstbestu norsku fótbóltsdeildini.
Rógvi er abbasonur legendariska B36-leikaran, fótbóltsdómaran og málarameistaran, Baldvin Baldvinsson.
Men í Rogalandi í Noregi er Rógvi best kendur sum ein vælumtóktur útvarpsvertur á Jæren Radio, ið hevur sætið í Sandnes.
Í 2019 gjørdu vit eina reportasju um arbeiðið hjá Rógva. Hon kann hoyrast HER.
Morgunsendingin hjá Rógva, ið nevnist: "Morgenshowet" er nominerað til eina lurtara-virðisløn á stóra heiðurstiltakinum: "Norges lydpriser", ið handar virðislønir til útvarpsfólk í 20 ymiskum kategorium.
Norges lydpriser hava verið handaðir á hvørjum ári síðani 2003.
Útvarpslurtararnir kring Noreg kunnu atkvøða fyri sínum yndis-útvarpsverti á www.radioplayer.no. Til ber at at atkvøða fram til fríggjadagin 20. oktober klokkan 11.
Spennandi verður at frætta hvussu tað gongst Rógva í atkvøðugreiðsluni.
##med2##
