Landsliðsmálverjin, Rakul Wardum og liðfelagarnir í Ringkøbing spældu í kvøld dyst á útivølli móti Bjerringbro í bestu donsku hondbóltsdeildini.
Væl hilnaðist hjá Ringkøbing, ið vann dystin 28-22. Í steðginum var Ringkøbing á odda 15-12.
Rakul bjargaði seks av 25 málroyndum, ið er eitt bjargingarprosent upp á 24 prosent.
Jana Mittún slapp ikki nógv upp í part tá lið hennara, Viborg á heimavølli vann trivaligan 32-23 (14-11) sigur á Aarhus United.
Súna K. Hansen var ikki við á liðnum hjá Ajax, ið tapti stórt 17-37 (11-18) fyri greiða oddaliðnum, Team Esbjerg á útivølli.
Komandi mikukvøld tekur Ringkøbing móti Team Esbjerg á heimavølli. Sama kvøld spælir Viborg útidyst móti Keypmannahavn, og Ajax spælir á útivølli móti Nykøbing Falster.
Støðan:
| Nr. | Lið | Dystir | Stig |
|---|---|---|---|
| 1 | Team Esbjerg | 14 | 28 |
| 2 | Ikast | 15 | 26 |
| 3 | Odense | 15 | 26 |
| 4 | Nykøbing Falster | 15 | 20 |
| 5 | Viborg HK | 15 | 16 |
| 6 | SønderjyskE | 15 | 14 |
| 7 | Silkeborg-Voel | 15 | 14 |
| 8 | Keypmannahavn | 15 | 14 |
| 9 | Skanderborg | 15 | 13 |
| 10 | Ringkøbing | 15 | 13 |
| 11 | Aarhus United | 15 | 10 |
| 12 | Horsens | 15 | 7 |
| 13 | Bjerringbro | 14 | 7 |
| 14 | Ajax | 15 | 0 |
