Liverpool vann í dag 3-2 á útivølli móti Queens Park Rangers. Merkisvert var, at tvey av málunum hjá Liverpool í dag vóru sjálvmál. Fyrst var tað Richard Dunne, ið skoraði í tann skeiva endan, tá Liverpool kom á odda 1-0, og í yvirtíðini var tað verjuleikarin hjá Queens Park Rangers, Steven Caulker, ið var so óheppin at skjóta bóltin í egið mál, til endaligu støðuna 3-2 til Liverpool.
Richard Dunne er tann leikarin í Premier League søguni, ið hevur gjørt flest sjálvmál. Sjálvmálið hjá Richard Dunne í dag var sjálvmál nummar 10 hjá írska verjuleikaranum.
Teir, ið hava gjørt flest sjálvmál í Premier League eru hesir:
10: Richard Dunne
7: Jamie Carragher
6: Martin Skrtel, Frank Sinclair, Phil Jagielka
5: Michael Duberry, Phil Neville, Scott Dann, Henning Berg, Rio Ferdinand, Wes Brown, Neill Ruddock, Zat Knight, Richard Rufus
