Í dag klokkan 14.00 fer okkara sterkasti maður, Regin Vágadal at vísa sína styrki uttan fyri handilin hjá Esmar Simonsen á Kambsdali.
? Við hesum tiltaki ætla vit at fáa fólk at koma saman á Kambsdali til eitt hugnaligt tiltak, og fer Føroya Bjór at stuðla við ymiskum til børnini, góðgæti, sodavatn o. a. og okkurt gott verður eisini til tey vaksnu, sigur Karl Birgir Isaksen, stjóri hjá Esmar Simonsen.
Regin Vágadal skal vísa fram ymisk brøgd, eisini okkurt, sum hann ikki hevur roynt áður, og okkurt, hann hevur roynt, eitt nú at blása ein dunk fyri at fáa hann at bresta.
? Men eitt bragd skal hann hann gera, sum hann ikki hevur roynt áður. Hann skal hála átta Daweoo bilar, sum er tað bilmerkið, sum Esmar Simonsen umboðar. Afturat hesum skal hann eisini lyfta ymisk høv.
Ananrs sigur Karl Birgir Isaksen, at sølan av Daweoo-bilum hevur gingið rættuliga væl, síðan teir fóru undir bilsøluna fyrr í ár.
Tá Regin Vágadal er liðugur at vísa roysni, fer at bera til bæði hjá vaksnum og børnum at fáa autograf frá Føroya sterkasta manni.
