##med2##
HB vann tryggan 3-0 sigur á TB á heimavølli í dag, har enntá Adrian Justinussen eisini brendi brotsspark fyri HB. Sebastian Pingel og tvær ferðir Pætur Petersen syrgdu fyri, at HB vann 3-0.
Poul Ingason hjá TB heldur, at tað var longu avgjørt í steðginum tá HB var á odda 2-0. Poul staðfestir, at TB ikki eingong hevði eina ærliga roynd á málið hjá HB.
Rasmus Nolsøe, hjálparvenjari hjá HB heldur, at tað aftur í dag var ein trupuleiki, at HB-arnir ikki taka av málmøguleikunum. Ein afturvendandi trupuleiki, ið hevur sent HB úr FM-stríðnum, og alt ov tíðliga úr Europa League undankappingini.
Rasmus Nolsøe hevur lært nógv av Heimir Guðjónsson, ið nú gevst í HB, og sjálvur tekur Rasmus venjaraútbúgving á A-støði nú. Rasmus dylur ikki, at hann droymir um at gerast høvuðsvenjari hjá einum liði í Betrideildini.
Á ljóðfíluni omanfyri ber til at hoyra frá FM1:
1) Hoyr samrøðuna "Triði Hálvleikur" á FM1 gjørdi við Rasmus Nolsøe, ið ikki torir at tippa ein FM-vinnara millum B36 og KÍ.
2) Hoyr samrøðuna "Triði Hálvleikur" á FM1 gjørdi við Poul Ingason, ið hevur KÍ sum greiðan favoritt til at vinna FM-finaluna í Gundadali komandi leygardag.
