Landsstýrismaðurin hevur endurvalt Barbaru á Tjaldrafløtti til forkvinnu í Ráðið fyri brekað Ráðið fyri brekað hevur seks limir umframt forkvinnuna. Tað er landsstýrismaðurin í almanna- og heilsumálum, sum velur limirnar, og formaðurin í MBF er føddur limur í ráðnum.
Limirnir í ráðnum verða valdir fyri fýra ár í senn, tó altíð í samsvari við løgtingsskeiðið.
Í Ráðnum fyri brekað sita nú:
Fyri Løgmansskrivstovuna: Kristianna Sjóvará Jacobsen, limur og Jóanes V. Hansen, varalimur.
Fyri Almanna- og heilsumálaráðið: Jan Simonsen, limur og Doris Bjarkhamar, varalimur.
Fyri Meginfelag teirra brekaðu: Uni Rasmussen, limur og Óli Wolles, varalimur.
Fyri Føroya Kommunufelag: Marjun S. Olsen, Vestmanna, limur og Júst Poulsen, Hvannasund, varalimur.
Fyri Kommunusamskipan Føroya: Steinbjørn Jacobsen, Klaksvík, limur og Kirstin Strøm Bech, Vágur, varalimur.
Fyri MBF: Leila Solmunde, limur.
