Rógvi og Vilhelm vunnu føroyingauppgerðina í Íslandi

Fýra føroyskir landsliðsspælarar og ein potentiellur landsliðsspælari vóru á vøllinum í Fram-høllini í Reykjavík tá liðið hjá Vilhelmi Poulsen og Rógva Dal-Christiansen, Fram tók ímóti liðnum hjá Allani Norðberg, Nicholas Satchwell og Áka Egilsnes, KA.

Fram vann 26-22. Í steðginum var Fram á odda 14-12, og Fram´arnir hildu leiðsluna allan seinna hálvleik.

KA vóru annars ósigraðir í seks dystum áðrenn dystin í dag. 

Stóra hetjan hjá Fram í dag var málverjin, Lárus Helgi Ólafsson sum bjargaði 17 skotum, harímillum einum brotskasti. Nicholas Satchwell hevði átta bjargingar í KA-málinum í dag, harímillum var ein brotskastsbjarging. 

Rógvi Dal-Christiansen skoraði tvey mál og Vilhelm Poulsen skoraði eitt mál fyri Fram. 

Áki Egilsnes, ið ikki er úttikin til EM-undankappingardystirnar móti Ukraina og Kekkia gjørdi tað framúr hjá KA í dag, og gjørdist vestmenningurin toppskjútti við sjey málum. Allan Norðberg kom ikki á máltalvuna í dag.

Komandi hóskvøld hevur Fram útidyst móti Afturelding. Komandi fríggjakvøld tekur KA móti Selfossi á Akureyri.

Støðan í sera jøvnu Ólis-deildini: